Gwersyll Llangrannog

Canolfan breswyl yw Gwersyll yr Urdd Llangrannog, a sefydlwyd yn 1932 fel rhan o weledigaeth Syr Ifan ab Owen Edwards ac Urdd Gobaith Cymru. Bellach ystyrir hi yn un o ganolfannau preswyl addysgiadol gorau Ewrop a chroesawir dros 35,000 o blant ac oedolion yn flynyddol ar gyrsiau iaith, antur, addysg a hwyl! Cynigir llu o weithgareddau yn ogystal â llety a gwasanaeth o’r safon uchaf.

Mae’r Gwersyll yn rhan annatod o ardal Llangrannog, yn cyflogi dros 95 o staff, a chyfrannu £2.5 miliwn i’r economi leol. Er mai plant a phobol ifanc yw prif ddefnyddwyr Llangrannog, rydym yn falch o allu agor y cyfleusterau i’r cyhoedd yn ogystal.