Cyfarfodydd
Lleolir Gwersyll yr Urdd Llangrannog ar arfordir gorllewin Cymru gyda
golygfeydd prydferth o Fae Ceredigion. Mae’n cynnig dewis unigryw ar gyfer cynadleddau mawr a bach, cyfarfodydd a digwyddiadau adeiladu tîm gan gynnwys cyfleusterau lletya. Mae’n bosib creu pecyn pwrpasol i sicrhau bod anghenion eich cwmni yn cael eu diwallu.
Mae gan y Gwersyll naw ystafell gynadledd/cyfarfod, mawr a bach. Mae’r adnoddau sydd ar gael yn cynnwys tri bwrdd gwyn rhyngweithiol,
uwch-daflunydd, siartiau ysgrifennu a thechnoleg band llydan.
Gallwn ddarparu lletygarwch ar gyfer grwpiau o 5 i 350. Mae cyfleusterau gwneud te a choffi ar gael a darparir bwydlenni a dewis eang o safon ar gyfer pob angen dietegol. Mae’r opsiynau llety yn cynnwys 46 ystafell en-suite graddfa safon pedair seren gan Croeso Cymru ynghyd â 16 ystafell heb en-suite.
Gweithgareddau
Mae gan y Gwersyll ystod eang o weithgareddau sydd yn cael eu rhedeg gan staff proffesiynol gan gynnwys sgïo, eirfyrddio, gwylltgrefft, cerdded arfordir, cwrs rhaffau uchel, wal ddringo, saethyddiaeth a llawer mwy, maent i gyd yn ddelfrydol ar gyfer digwyddiadau adeiladu tîm. Mae’n bosib trefnu gweithgareddau eraill am gost ychwanegol megis syrffio, canwio, hwylio, taith cychod.
Er mwyn trefnu cyfarfod neu gynhadledd cysylltwch a ni.
Dyma rai o'r bwydlenni sydd ar gael ar gyfer arlwyo cyfarfodydd:
Grwpiau: