Cwestiynau Cyffredin

A fydd Gemau Cymru yn cynnig trafnidiaeth rhwng y gwahanol leoliadau cystadlu?

Bydd bws Gemau Cymru ar gael rhwng y Pentref Athletwyr a’r lleoliadau cystadlu.

A fydd Cymorth Cyntaf ar gael os bydd angen? 

Mae Adran Ffisiotherapi, Prifysgol Caerdydd yn cefnogi'r digwyddiad a byddent yn bresennol ym mhob lleoliad cystadlu.

Ydi’r cyhoedd / teulu / ffrindiau yn cael dod i wylio a chefnogi?

Wrth gwrs, dewch yn llu!  Mae Gemau Cymru yn Ŵyl i bawb.  Bydd ardaloedd diogel ar gael i gefnogwyr a gwylwyr. Bydd rhagor o wybodaeth am barcio a arlwyo i’r cyhoedd yn cael ei ychwanegu at y wefan yn fuan.

Pwy sydd yn cael cystadlu yn Gemau Cymru?

Mae pob maes gyda system ddethol ei hun sydd wedi ei chynghori gan y Corff Llywodraethu Cenedlaethol perthnasol. Unwaith mae’r strwythur wedi ei chadarnhau bydd y wybodaeth yma ar gael ar y wefan a bydd y cystadleuwyr llwyddiannus yn cael gwahoddiad swyddogol. Rhaid cael gwahoddiad i gystadlu yn Gemau Cymru.  Os nad wyt ti wedi bod yn ffodus i gael gwahoddiad eleni cofrestra i wirfoddoli neu tyrd draw i gefnogi.

Oes rhaid i athletwyr aros yn y Pentref Athletwyr?

Nagoes, ond wrth aros yn y Pentref bydd athletwyr yn rhydd i ddefnyddio bws gwennol Gemau Cymru rhwng y gwahanol leoliadau, ond yn bwysicach bydd athletwyr yn elwa o brofi a bod yn rhan o fywyd cymdeithasol gŵyl aml chwaraeon.  Yn ogystal â hyn credwn fod £15 y noson (gan gynnwys brecwast) yn bris cystadleuol iawn am lety yn yr ardal.  

Gyda pwy ddylwn i siarad os oes gennyf gwestiwn/problem?

gemaucymru@urdd.org  02920 635688