Athletau

"Mae Athletau Cymru yn falch o gefnogi  Gemau Cymru. Mae dod a athletwyr ifanc o Gymru at ei gilydd o bob cwr o'r wlad,  mewn amryw o wahanol chwaraeon, yn fenter gyffrous. Rydym yn dymuno pob llwyddiant i'r digwyddiad   a phob lwc i'r holl gystadleuwyr"

  Llysgennad: Carys Parry

“Rwyf wedi bod yn taflu'r morthwyl ers rhyw ddeuddeg mlynedd hyd yn hyn.  Dechreuais mewn clwb athletau lleol, ar ôl treillio blynyddoedd yn rhedeg trawsgwlad a rhedeg trac.

Tafles i dros Ysgolion Cymru pan oeddwn i'n ifanc ac rwyf wedi cystadlu dros Gymru; y tro cyntaf yn 14 mlwydd oed.  Rwyf wedi taflu'r morthwyl dros Brydain o dan 20 ag o dan 23 ym Mhencampwriaeth Ewrop a'r Byd.

Eisoes, rwyf wedi cystadlu dros Brydain o amgylch y byd, ond y fraint fwyaf yn fy ngyrfa hyd yn hyn yw cystadlu dros Gymru yn y gemau Gymanwlad, does dim un profiad arall yn debyg iddi.  Mi wnes i gystadlu allan yn Awstralia yn 2006 yn gorffen  yn 6ed.  Blwyddyn ddiwethaf roeddwn yn cystadlu allan yn India, Delhi, lle enillais y fedal arian.  Y targed nesa yw Llundain 2012 ag ar ôl hynny, y gemau Gymanwlad yn yr Alban.

Mae'n fraint cael bod yn llysgennad i Gemau Cymru. Mae achlysuron fel Gemau Cymru yn bwysig iawn i bobl ifanc ag i ddyfodol chwaraeon yng Nghymru. Edrychaf ymlaen at y Gemau, gan obeithio bydd hi'n fy ysgogi yn fwy at y Gemau Olympaidd”

Lleoliad: Stadiwm Chwaraeon Rhyngwladol Caerdydd

Parcio ac Arlwyo:

• Defnyddiwch faes parcio Ysgol Uwchradd Fitzalan 
•  Bydd fan arlwyo ar gael at ddefnydd cystadleuwyr a chefnogwyr.