Eisteddfod Beth yw'r Eisteddfod
Eisteddfod Genedlaethol Urdd Gobaith Cymru yw prif ŵyl gelfyddydol ieuenctid Ewrop, ac mae hi'n cael ei chynnal mewn man gwahanol yng Nghymru bob blwyddyn. Eleni mae hi'n dod i caeau Fferm Gloddaeth Isaf ger Llandudno. Bydd y maes yn ferw o ddigwyddiadau i'r hen a’r ifanc gyda digon i’w weld ac i’w wneud heb sôn am raglen lawn o gystadlu brwd. 
Gyda 15,000 o gystadleuwyr, 100,000 o ymwelwyr a miliwn o bobl yn gwylio ar y teledu, mae Eisteddfod yr Urdd yn ddigwyddiad o bwys i Gymru gyfan. Yn ogystal â’r cystadlaethau canu, llefaru, dawnsio ac offerynnol yn y pafiliwn, mae llwyth o weithgareddau ar y maes. O' r ffair i'r arddangosfeydd celf, dylunio a thechnoleg, ac o'r wal ddringo i'r cyber-caff a'r sioeau cerdd, mae yma rywbeth at ddant pawb. Dewch yn llu i fwynhau'r ŵyl!
Ni chaniateir anifeiliaid ar y maes ar wahân i gŵn y deillion.
Cysylltwch â Swyddfa’r Eisteddfod ar 0845 257 1613 am fwy o wybodaeth.
NODER: Mae trefn y tlysau yn newid. Am fwy o fanylion, cliciwch yma