Cwestiynau Cyffredin

Dyma restr o'r cwestiynau sydd yn cael eu gofyn fwyaf aml. Cliciwch yma os hoffech ofyn cwestiwn arall.  

Ym mhle mae'r Eisteddfod yn 2013?

Cynhelir Eisteddfod yng Nghilwendeg, Sir Benfro rhwng 27 Mai - 1 Mehefin.

Ym mhle mae'r Eisteddfod yn 2014 a 2015?

Yn 2014 byddwn yn mynd i Feirionnydd, ac i Gaerffili yn 2015.

Oes angen bod yn aelod o'r Urdd i gystadlu yn yr Eisteddfod?

Oes. Cliciwch yma am fwy o wybodaeth am ymuno efo'r Urdd

Pa fath o gyfleusterau sydd ar y maes ar gyfer pobl ag anabledd?

Gellir llogi cadair olwyn wrth y brif fynedfa, mae nifer o geirt modur ar gael i gludo pobl o gwmpas y Maes, ac fe geir rampiau wrth fynedfa pob stondin a phabell er hwylusdra.

A oes llefydd parcio ar gyfer pobl ag anabledd?

Oes, mae llefydd parcio arbennig a rheiny mor agos a phosibl at brif fynedfa'r Maes

A oes cymorth i gario offer trwm i'r Maes?

Mae cymorth ar gael i gario offer trwm ar y Maes trwy ofyn i stiward yn y Ganolfan Groeso

Ydych chi'n caniatau cwn ar y Maes?

Nac ydyn, dim ond cwn tywys sydd yn medru dod ar y Maes.

Oes angen tocyn gwahanol ar gyfer gweithgareddau'r dydd a gweithgareddau'r nos?

Oes, mae angen tocyn dydd i gael mynediad i'r Maes a thocyn gwahanol ar gyfer digwyddiadau'r nos megis cystadlaethau'r Gan Actol, cystadlaethau nos Iau a chystadlaethau'r cerddorfeydd

A yw'r rhagbrofion i gyd ar y Maes?

Mae'r rhagbrofion i gyd yn cael eu cynnal ar y Maes yn y gwahanol Stiwidios, Neuadd Ddawns a Neuadd Gorawl. Bydd yr holl fanylion yn Rhaglen y Dydd, sy'n cael ei chyhoeddi fis Chwefror 2013.

Ym mhle gallaf brynu Rhaglen y Dydd?

Gallwch ei brynu mewn siopau llyfrau neu drwy gysylltu efo swyddfa Glan-llyn ar 01678 541 014.