Newyddion

Yng nghyd â thrafod datblygiadau a darpariaeth yr Urdd, materion cyfoes a bywyd o ddydd i ddydd fel pobl ifanc yng Ngheredigion roed aelodau'r fforwm wedi cymryd rhan mewn prosiect ‘Trafodiaith’. Prosiect ar y cyd a fforymau ieuenctid yr Urdd Môn a Myrddin wedi’i selio ar yr iaith Gymraeg oedd Trafodieth. Yn fras nod y prosiect oedd rhannu profiadau a thrafod y manteision a’r rhwystrau o fod yn Gymry Cymraeg.

Cwrs Rygbi TAG
gwobr “Arweinyddiaeth Cymunedol”
Dan hyfforddiant Y Scarlets

Cwrs preswyl yn Ngwersyll yr Urdd Llangrannog, Awst 22-23 2011

Os oes gen ti ddiddordeb mewn Rygbi ac yn awyddus i ddysgu sgiliau sylfaenol ar fod yn hyfforddwr dyma’r cwrs i ti.

Ar ddiwedd y cwrs bydd unigolion yn medru cyflwyno sesiynau hyfforddi diogel a hwyl; cyflwyno sgiliau rygbi sylfaenol e.e. rhedeg, trin a phasio’r bêl; yn deall rheolau’r gêm TAG.

Penwythnos i aelodau Aelwydydd Ceredigion yng Ngwersyll yr Urdd Glan-Llyn.  Cyfle i gymdeithasu a mwynhau tra'n profi rhaio o weithgareddau cyffroes ac heriol awyr agored y gwersyll.

Yn ystod penwythnos cynradd plant Ceredigion yn Llangrannog bu 16 o bobl ifanc yn cynorthwyo athrawon/gwarchodwyr a staff y gwersyll i ofalu a diddanu 80 o blant. Cymerodd y swogs ofal da o’r plant gan fwynhau rhai o’r gweithgareddau amrywiol fel - Trampolino, Ceffylau, Rhaffau, Sgio, Gwibgartio, a Go Carts eu hun.  Mae’n rhaid cyfaddef mae yn y disgo disgleiriwyd y swogs gan ddenu pawb allan i ddawnsio ac i gael hwyl.

Fel rhan o Ymgyrch Tick Tock, bydd un disgybl ar ddeg o ysgolion uwchradd Ceredigion yn teithio i Gynulliad Cenedlaethol Cymru ar 2 Rhagfyr i gyfarfod Jane Davidson, Gweinidog dros yr Amgylchedd, Cynaladwyedd a Thai.

Diolch i Gwydion ac Arwel, swyddogion awyr agored Llwybrau i’r brig am ddod lawr i Aberaeron ac Aberystwyth er mwyn cynnal sesiynau cyflwyniad i sgiliau ceufadu gydag aelodau Aelwyd Llanfihangel ar Arth a disgyblion ysgol gyfun Penweddig. Roedd y sesiynau yn cyd-fynd a Chylchfordaith Cymru Staff Gwersyll yr Urdd Glan Llyn. Roedd yn gyfle i grŵp o bobl ifanc brofi gweithgaredd nag oeddent wedi gwneud o’r blaen a dysgu’r sgiliau sylfaenol ar sut i geufadu ac aros yn ddiogel yn y dŵr.

Aeth aelodau Fforwm Ieuenctid Urdd Gobaith Cymru Ceredigion i Frwsel ar 2 Mai ar daith arbennig wedi’i noddi gan yr Aelod Seneddol Ewropeaidd, Jill Evans. Roedd14 disgybl o Ysgolion Penweddig, Penglais, Tregaron, Llanbed a Dyffryn Teifi wedi teithio yno ar yr Eurostar ac wedi treulio pedwar diwrnod yn cael blas o’r ddinas yng nghwmni ei gilydd. Roedd y criw wedi llunio Neges Heddwch ac Ewyllys Da Ieuenctid Cymru i Ieuenctid y Byd ar y cyd, ac wedi perfformio’r Neges yn Senedd Ewrop ar 4 Mai.