Newyddion

Bu disgyblion Coed Menai a Bryn Llwyd yn gweithio'n ddwys gyda gwneuthurwyr ffilmia, actorion a sgriptwyr proffesiynol i greu ffilm fer o'r dewis hwy.

Buont yn dysgu sut i greu effeithiau arbennig a gwneud symudiadau capoeira.

Roedd gweld y gwaith gorffenedig yn wych, ac yn ganlynaid proffeisynol iawn i'r holl waith caled!

Cafwyd criw newydd i ddechrau’r clwb ysgrifennu creadigol ‘Traed Brain’ yn Ysgol y Berwyn eleni. 11 ohonynt i gyd! A braf oedd gweld 6 o hogiau’n camu i’r byd ysgrifennu.

Fe aeddfedodd gwaith y criw yn sydyn iawn, a cawsant gyfle i ddod i Lan-Llyn i fireinio eu dawn ymhellach, creu darluniau i fynd gyda’u gwaith gyda’r artist Catrin Willias a chreu sgriptiau byrion gyda’r cyfarwyddwr Eilir Pierce.
Enillodd pawb OCN Ysgrifennu Creadigol Lefel 3.

 Ddiwedd Hydref daeth criw o bron i ddeg person ifanc ar hugain at eu gilydd yng Nglan Llyn i ddechrau creu cyflwyniad a neges heddwch ac ewyllys da, ar gyfer Eisteddfod Eryri 2012.

Daliadau'r Olympiaid yw'r thema y tro hwn, a bu pawb wrthi'n brysur yn cyfansoddi'r neges.

Edrychwn ymlaen at gael cwrdd gyda'n gilydd yn fuan, unwaith eto. 

 Mae cynllun PCAI yn gyfle cyffroes i ddisgyblion chweched dosbarth neu flwyddyn unarddeg i helpu newid agweddau disgyblion iau tuag at y Gymraeg yn yr ysgol.

Gwyliwch ei hunain C2 - mae chweched Dyffryn Nantlle am ddechrau Radio Ysgol wythnosol a fydd yn cael ei ddarlledu ledled yr ysgol! Byddant yn cynnal cystadleuaeth i enwi'r raglen cyn y Nadolig.

Blwyddyn 10 neu hŷn? Byw ym Mhenllyn?

Licio'r syniad o gyfeirianu mewn canŵ yn y tywyllwch,
neu wylio Cmon Midffild efo pitsa?

Awydd herio Aelwyd yr Ynys ac CF1 yn `Sdeddfod yr Urdd?

Ydech chi'n licio chwaraeon? Be am swap shop dillad? Noson hela ysbrydion unrhyw un?

Dewch i ddweud be arall `dech chi’n licio ei wneud
Glan-Llyn, Nos Fercher,
19eg o Ionawr, 7:30yh

Bydd gweithgaredd wedi ei threfnu ar ein cyfer.

Ymunwch ‘fo grŵp Facebook Aelwyd Penllyn.

Ers mis Medi 2010, ailddechreuwyd Aelwyd Penllyn yn ardal y Bala, gan atynnu pobl ifainc o 14 i 25 oed. Cynigir amrywiaeth eang o bob mathau o weithgareddau, o’r celfyddydol i’r chwaraeon i dripiau o bob math, a hynny’n wythnosol.

Awydd ymuno â chriw hwyliog o Lydäwyr ar Gwrs Antur yng Ngwersyll yr Urdd, Glan-llyn?

Ydych chi rhwng 14-18 oed? 

Cyfle unigryw i wneud ffrindiau newydd a phrofi gweithgareddau cyffrous: 
Mynydda, canŵio, adeiladu rafft, taith ar gwch y Brenin Arthur, cwrs rhaffau uchel, ‘gwyllt-grefft’ (bushcraft), bowlio 10, dawnsio gwerin Cymreig a Llydaweg, blasu bwyd Llydaweg, chwaraeon, cymdeithasu a choginio danteithion o amgylch y tân.